Badral's personal blog
Интернет миний ертөнцийг хардаг цонх …

July, 2007Archive for

Сонголтын зовлон. Ajax – Dojo, Prototype MooFX эсвэл JQuery

Tuesday, July 17th, 2007

За өнөөдөр нэг жижигхэн AJAX програм бичих хэрэгтэй боллоо. Дарга маань америкаас ирж инспекторуудад холбоо дутаж байна олон улсын яриа байнга хийх зардал ихтэй тул байгууллагынхаа дотоод хэрэгцээндээ зориулсан нэг чаат хийж чадах уу гэж байна. За бололгүй яахав ийм жижигхэн эдийг амралтаа эхлэхээс өмнө хийчихнэ гээд ам гарчихав. Анх авахдаа бэлэн нээлттэй эх бүхий Ajax чаат ашиглачихъя гэж бодсон юм.
Ингээд сүлжээнээс ухаж байтал гэнэт тийм бэлэн юм ашиглахаар энэ хүмүүсийн шуураад байгаа Ajax-ыг жаахан судлаад авъя гэж бодоод өөрөө хиймээр санагдчихлаа. Гэхдээ янз янзын санаа толгойд бууж байнаа. Ер нь энэ интернэтийн хурд ихсэж байгаа юм чинь нөгөө вэб үйлдлийн системүүд ч хүчээ авах шинжтэй. Олон нийтээрээ хамтран ажиллах зүйлс дээр олон сайн талыг вэб үйлдлийн системүүд олгож болох юм байна шүү!
Ингээд ер нь вэб үйлдлийн систем маягийн юм эхлүүлчихье гэж бодоод ажилынхаа нэрээр imcios гэсэн нэртэй Ajax төсөл эхлүүлчихлээ. Ийм юм тийм юм хийгээдэх гэхээр нь нэмээд явчихвал амар санагдаад.
Ингээд гол сууриар юуг сонгохоо шийдэж чаддаггүй ээ. Маш олон фрэмворк үүссэн юм байна. Урьд нь prototype мэр сэр ашиглаж үзсэн болохоор тэр маань хамгийн түрүүнд санаанд буулаа. Ингээд moofx хоршуулан хэрэглэвэл гайгүй хөнгөн хурдөн болох юм болов уу гэж бодож байтал Qooxdoo, mochikit, scriptaculo.us, dojo, JQuery, GWT гээд олон юм гарч ирж байнаа.
Эдгээрээс өөрийнхөө хэрэгцээг хангах сонголт хийх болов. Сонгол хийнэ гэдэг хамгийн хэцүү зовлон. Аль нь хурдан бол? Аль нь хүчирхэг бол гэж бодохоос гадна аль нь цааш байнга тогтвортой хөгжих бол гээд янз бүрийн асуулт гарч ирнэ. Эдгээр дотроос ямар ч гэсэн GWT-н ард гүүгл, Dojo -н ард IBM, SUN гээд том том нөхдүүд байгаа тул удаан тогтвортой хөгжих болов уу гэсэн таамаг бууж нилээн ухлаа. Dojo хүчирхэг юм, гэхдээ арай нүсэр удаан юмаа. GWT ч бас сүртэй хурдан юм мэдэгдсэнгүй харин дүрэм нь нилээн дотно санагдлаа. GWT нь Eclipse SWT дүрэмтэй төстэй юм. Хэдий хүчтэй ивээн тэтгэгчтэй боловч нэг л сайн таалагдсангүй.
Ингээд цааш жаахан харлаа. Qooxdoo нь германы karlsruhe их сургуулийнхан хөгжүүлсэн систем тул тун сүрхий цэвэрхэн, эмх цэгцтэй байж магадгүй гэж бодоод жаал харлаа. Алдсангүй ээ. Сайхан цэгцтэй объект хандалтат програмчилсан байна. Аричууд энэ системтэй, эмх цэгцтэй тал дээр ч үнэхээр айхтар даа. Ганц муу юм нь дезайны мэдрэмж л яг над шиг. 🙂 Юу ч байхгүй. Энэ төсөл дээр ч бас иймэрхүү л харагдаж байна даа. Энийг засаж уг нь болох л байлгүй үүнийг сонголтод үлдээв.
Цааш жаахан хартал JQuiry дүрэм нь хялбархан хурдан хөгжүүлж болмоор санагдав. Бас хурдан хөнгөн юмаа. Урьд үүний тухай сонсож байгаагүй тул итгэл жаахан муу л байна. Сонссон сурсан дассанаараа Prototype, MooFX -ээ л ашиглачихмаар санагдаад байх юм. Prototype ч бас л олон юмны суурь болж өгсөн нилээн бат бэх харьцангуй доод төвшиний эд.
Та Ajax програмчилал хийдэг бол энэ тал дээр туршлагатай бол саналаа үлдээгээрэй. 1. JQuery, 2. Prototype, 3. Qooxdoo гурвын аль нь дээр вэ? Хэн нэгнээс хариу ирэхгүй бол Jquery дээр л буух санаатай.

Ажил, амралт

Monday, July 16th, 2007

Энэ сар урьд өмнө байгаагүй их ачаалалтай байлаа. Сар эхлэхээс 2 хоногийн өмнө нүүдэл суудал хийснээр интэрнэтгүй болчихов. Энэ Deutsche Telekom ямар ядаргаатай, үл бүтэх газрыг энд байдаг хүмүүс мэдэх байхаа. Арай гэж 12 -нд хэд хэд T-Punkt дээр очиж, хэрүүл хийж, факс шидэж, уурлаж уцаарлаж байж наадмаа хальт үзлээ. Хаа газрын холбоо иймэрхүү байх юм. Өнөөг хүртэл BelgaCom оос өөр D-Telekom -оос доор газар үзсэнгүй. 🙁 Шинэ шинэ цолтнууд төрөөд наадам харин сайхан боллоо гэж бодож байна. Морьд будлиангүй дэг журамтай сайхан болсонд нь баярлаж л сууна.
За тэгээд шинэ байрандаа хэдэн хайрцагтай юмаа шидэлчихээд эндээс бүрмөсөн нутаг буцаж буй нагац ахыгаа гаргаж өгөх ТОМ кантайнер ачих ажилд оров. Ингэж 7 сарын 2-нтой золгов.
Түүнээс хойш Nokia гар утас монголчлох нэгэн төсөл орж ирж, ажлынхаа хажуугаар ухаан жолоогүй сууж өнөөдөр дуусгаж санаа амрав. Хорвоогийн нэг сайхан өдөр монгол хэлтэй интерфэйс бүхий нокиа утастай болбол та бүү гайхаарай. 😉 Дэндүү давчуу хугацаанд орчуулсан тул чанар ч мундаг сайн болоогүй байж болно шүү. Зарим нэг хүндрэлүүд гарахад мобикомд ажиллаж байгаа Баасандорж андтай зөвлөн шийдсэн. Энэ ялдамд Баасандорж андад талархал дэвшүүлье!
Унд уух зав чөлөөндөө Болор толь програмдаа хэдэн Parser бичээд авлаа. Cobra, CVS файлуудаас орчуулга авах боломжтой болгов.
Одоо ажилдаа анхаарлаа хандуулж сайн ажиллаад ирэх 7 хоногоос амралтаа авна. Хэд хоног сайхан амарч авъя байз. Энэ жил амралтаа энэ хавиараа өнгөрөөх санаатай. Белги, Люксембүрг, Холлланд амжвал франц орно.
Герман хэлтэй бол та манай хотоос монгол руу мотоциклээр гарсан 2-н тэмдэглэлийг http://www.2to-mongolia.de/ хаягаас уншаарай.