Badral's personal blog
Интернет миний ертөнцийг хардаг цонх …

December, 2007Archive for

Спамтай тэмцэх эхний арга

Monday, December 24th, 2007

Спамыг нэг их тоодоггүй байж байгаад сүүлийн үед жаахан тэмцмээр санагдав. Өнөөг хүртэл spamassassin -тай явлаа. Бүтэхгүй болох янзтай. Ингээд өнөөгийн байдлаар хамгийн үр дүнтэйд тооцогдоод байгаа Greylisting аргыг ашиглахаар шийдэв.
Үүний ажиллах зарчим нь хялбархан бөгөөд үр дүн нь харьцангүй өндөр.
Ажиллах зарчим нь:
Ихэнх спам серверүүд болон скриптүүд тухайн хаяг руу нэг л удаа мэйл илгээгээд өнгөрдөг. Өөрөөр хэлбэл спам програм нэг хаяг рүү спам мэйл илгээгээд дараагийн хаяг руугаа илгээхгүй бол түүнд тийм их зав байхгүй. Харин зөв тохиргоотой мэйл серверүүд хэд хэдэн удаа зарим нь олон хоног ч оролддог.
Greylisting арга нь үүнийг ашиглан эхний удаад хүрэлцэн ирсэн мэйлын мэйл серверийнх нь IP хаяг болон илгээгч болон хүлээн авагчийн имэйл хаягийг хадгалаж аваад хүлээн авалтыг татгалзана.
Ингээд 2 дахь удаагийн оролдлогыг нь харин хүлээн авдаг. Энэ удаад бараг 98% нь зөв тохиргоотой мэйл серверээс ирсэн зүгээр мэйлүүд байдаг.
Харин муу тал нь тухайн илгээгч серверийн тохиргоо буруу тохиолдолд мэйлийг нь хүлээн авахгүй эсвэл оролдлого хоорондын хугацаа их бол тэр хугацаагаар мэйл оройтно. Гэхдээ дандаа оройтохгүй (зөвхөн эхний удаад. Дараа дараа нь тухайн мэйл сервер нь итгэлтэй серверээр танигдчихсан байна.) Буруу тохиргоотой серверийн хувьд whitelist -д бичиж өгөх шаардлагатай. http://en.wikipedia.org/wiki/Greylisting хаягаас дэлгэрүүлэн уншина уу.
За таны MTA ( Mail Transfer Agent) ямраас шалтгаалан янз бүрийн Greylisting implementation байдаг. Минийх Exim4 тул хамгийн амраар нь greylistd -г сонгов. Миний сервер дебиан.
Эхлээд EXIM4 тохиргоогоо нөөцлөн авна уу!

$ cd /etc
$ tar cvzf exim4.tar.bz2 exim4

Apt-get пакет менежерээр greylistd -г суулгана.

apt-get install greylistd

Дараа нь Exim4 тохиргоогоо Greylistd рүү нээж өгнө.

greylistd-setup-exim4 add -netmask=24

Тохиргоо доорх замд хадгалагдана.

/etc/greylistd/config

Дараах хаягт автоматаар хүлээн авах ёстой серверүүдээ бичнэ.

/etc/greylistd/whitelist-hosts

Дараах тушаалаар төлвийг нь харж болно.

greylist stats

За ингээд харж байя даа. Хэрвээ олигтой үр дүнд хүрэхгүй бол дараагийн арга хэмжээгээ авна даа.

Мөн маш сайн MTA -д Postfix яах аргагүй орно. Энэ үед та Postgrey-г хэрэглэхийг санал болгож байна.
Qmail-н хувьд удахгүй би энэ аргаар спам шүүлт хийх байх. Тэр үед нь зав гарвал мэдээлье.

Сүлжээний саатал

Sunday, December 23rd, 2007

Хэд хоног зав чөлөөндөө Болор толь, ОпенМН-хээ вэбтэй зууралдаж өнжив. Гэтэл хоёр хоног гэрийн интернэт маань тасарч нэрвтэж, олон ажил амжуулж чадсангүй гээд том гарз хохирол учруулав. 🙁 Цахим радиогийн германаас цацагдаж байгаа суваг яваагүй та мөн ажигласан байх.
Өнөөдөр нэг юм хальт холбогдлоо. Германд та байдаг бол Telekom-д хэзээ ч бүү ороорой. Alice, 1und1 нь дээр шүү. Би ч одоо энэ гэрээгээ дуустал хэрэлдээд явахаас өөр замгүй болов бололтой.

ОпенОфисын шинэ баг

Monday, December 3rd, 2007

За өмнө ОпенОфисын орчуулгад тусламж хүсэж нийтэлсэн бичлэг маань хэргээ хийлээ. Англи, Солонгос, Герман улсад сурдаг болон ажилладаг нилээн хэдэн залуустайгаар шинэ баг бүрдлээ. Өнөөг хүртэл бид зөвхөн Glossary буюу нэр томьёогоо хянан шалгасан бөгөөд олон зуун өөрчлөлт хийлээ. Aspell -ээ ашиглан үг үсгийн алдааг шүүв. Ерөнхийдөө дүрмийн алдаа үлдээгүй байхаа. Удахгүй энэ нэр томьёог албан ёсоор онлайн тавина. Тэр үедээ нийтэд дахин мэдээлнэ. Ингээд энэ хагас бүтэн сайн өдрүүдэд нэр томьёоноосоо бүх орчуулгаа шинэчиллээ. Тэдгээр бүх орчуулга маань ОпенОфисын m163 build байсан бөгөөд тэдгээр бүх орчуулгаа хамгийн сүүлийн хувилбар болох m238 руу нэгтгэлээ.
Багийн гишүүн Баярхүү энэ удаад нэр томьёон дээр хамгийн няхуур сайн шалгалт хийсэн байлаа. Мөн энэ багт нэгдэж, энэ ажлыг идэвхжүүлж өгсөн эрч хүчээр дүүрэн цоглог залууст талархал илэрхийлье! Та бүхний таамаглаж байгаагаар орчуулга маань он гараад удахгүй дуусгах нь дамжиггүй бизээ. Би энэ хугацаанд мөн чадлын хэрээрээ зав гаргаж энэ далайлтаар дуусгахын төлөө ажиллах болно. За амласан ёсоороо одоо хамгийн сүүлийн хувилбарыг SVN/CVS рүүгээ хийе.
Энэ ажилд оролцож буй бүх залуустаа ажлын өндөр амжилт хүсье!