Badral's personal blog
Интернет миний ертөнцийг хардаг цонх …

May, 2008Archive for

Ажлын тэмдэглэл

Wednesday, May 21st, 2008

Өнгөрсөн 7 хоногт ажил дээрээ “Web Based Routing slip system” програм бичиж дуусгав. Анхнаасаа бизнес процесс гайгүй тодорхой байсан тул шууд яваад орчихсон чинь энэ нь ч тийм байж, үгүй байж гэж эргэлдсээр нилээн удаан хугацаа алдаж байж сүүлийн хувилбарыг нь дуусгав. Шалгалт, аудит хагас дутуу хийгдсэн байгаа бөгөөд явц дунд сайжруулахаар хүлээлгэж өгөв. Эцсийн цэг тавигдсангүй ээ.
Бизнес процессын хувьд лиценз буюу сертификат олгох процесс 7 шат дамжлагаар явахаар европын холбооноос баталсан стандартаар тогтоосон байлаа. ( Манайд яадаг юм бол доо )
Энэхүү системээр сертификат хүссэн хэрэглэгч өөрийнхөө материалыг онлайнаар яг одоо хэн дээр, ямар төлөв байдалтай явж байгааг харж, ямар нэг зүйл дутуу эсвэл буруу бол имэйлээр дор бүр нь тэр тухай мэдээлэл авах боломжтой болсон юм.

Олгогдсон сертификат бүр сканердан зурган PDF -р хадгалагддаг бөгөөд энэхүү процесс нь бөөнөөр нь овоолж тавьж байгаад сканердчихдаг автомат сканераар хийгддэг тул үр дүнгийн файл нь олон хуудастай нэг том PDF файл үүсдэг билээ. Энэхүү файлыг хуудас хуудсаар нь сертификат тус бүрийн дугаараар хадгалах ажлыг хөнгөвчлөх зорилгоор түүнийг тасалж нэрийг асуудаг adobe plugin 2 жилийн өмнө Adobe 6-ийн хувьд бичсэн байсан маань манай байгууллагын хамгийн өргөн хэрэглэдэг хэрэгсэл болсон байв. Гэтэл энэ хэрэгсэл Adobe Acrobat 8.0 дээр ажиллахгүй болсон байна гэсэн ажилчдын гомдлын дагуу даруй ажилладаг болго гэсэн ерөнхий менежерийн даалгавраар сая ажилладаг болгов. Плагин бүрэн C++ дээр бичиж Визуал студио 2005 дээр хөрвүүлэв.
Маргаашнаас хуучин өгөгдлийн сангийн програмыг сайжруулж энэ байгууллагын дотоод зохион байгуулалтыг автоматжуулах цогц систем загварчилалын ажил руу орохоор болов.

Блогтоо ажлынхаа зав чөлөөндөө хийдэг нээлтэй эх хөгжүүллийнхээ тухай үргэлж бичиж байхаар хааяа нэг ажил дээрээ хийсэн зүйлсээс бичиж үлдээж байвал эргээд харахад юу амжуулж байснаа бүрэн харахад дөхөмтэй юм болов уу гэж бодоод энэхүү тэмдэглэлийг үлдээв.

Эхний үе шат асуудлын анализ – Системийн тодорхойлолт

Thursday, May 15th, 2008

За өмнө амлаж байсанчлан Системийн тодорхойлолт гаргах талаар ажлын цагаасаа хулгайлаад нэг бүдүүвч гаргая. Энэ талаар нилээн удаан ам хамхичихсан чинь зарим нөхдийг чилээсэн бололтой. Ойрд ажил ихтэй энэ муу блогтоо юм тэмдэглэх зав гардаггүй дээ.
За юуны өмнө тэр “Зорилгын дэвтэр” гэж өмнө би нэрлээд байсан зүйлээ бүгдийг Системийн тодорхойлолт болгоод зассан шүү. Цаашид Үүргийн дэвтэр, Системийн тодорхойлолт гээд явна.
За жишээ болон хэвийг хийж тавих зав байхгүй тул яг ямар загвараар явахыг л жагсаая. Програм хангамжийн төслийн шинжилгээ бичлэгт тодорхойлсон болон Үүргийн дэвтэр хольж нухаад гаргасан болно.

  1. Зорилгын тодорхойлолт
    • Гарцаагүй болзол
    • Туйлын болзол
    • Хязгаарлах болзол
  2. Бүтээгдэхүүний хэрэглээ
    • Хэрэглээний хүрээ
    • Товлосон хэрэглэгчид
    • Үйл ажиллагааны нөхцөл
  3. Дэд системийн зохион байгуулалт (зөвхөн том системүүдийн хувьд)
  4. Бүтээгдэхүүний техникийн орчин
    • Програм хангамж
    • Техник хангамж
    • Байгууллага
    • Бүтээгдэхүүний интерфейс
    • Хөгжүүллийн орчин
  5. Бүтээгдэхүүний тойм
  6. Бизнес процессын загвар (Засвар: 2008 оны 7 сарын 8 нэмэв!)
  7. Бүтээгдэхүүний үйл ажиллагаа
  8. Бүтээгдэхүүний өгөгдөлүүд
  9. Чанарын шаардлагууд
  10. Тусгай шаардлагууд
  11. Хэрэглэгчийн график гадаргуу
  12. Нэмэлт

За ТОЙМ нэг иймэрхүү байдалтай. Жишээ болон хэвийг тэгж байгаад завтай болохоороо хийж үзүүлье. Нэмж засахаар зүйл байгаа санагдвал сэтгэгдэлд үлдээнэ үү.

DE.OpenOffice.org team: QA-Wochenende2008

Sunday, May 4th, 2008

Энэ хагас бүтэн сайнд Essen хотод германы ОпенОфис багаас зохион байгуулсан QA-Wochenende2008 уулзалтад оролцов. Юуны өмнө энэхүү уулзалтад оролцох боломж олгосон Peter болон Jacqueline нарт талархал илэрхийлье! (Recht herzlichen Dank an Peter und Jacqueline für die Einladung und die Möglichkeit der Teilnahme!)
Энэхүү уулзалтаар нилээд олон зүйлийг сурч, харж, тулгарч байсан бэрхшээлүүд асуудлууддаа хариултууд олж авсанаас гадна олон сайхан нөхөдтэй болж авсан нь олзуурхууштай зүйл боллоо. Иймэрхүү бэсрэг чөлөөт уулзалт нь томоохон чуулгануудаас хамаагүй илүү үр өгөөжтэй, бүтээмжтэй, жинхэнэ мэдлэгийн солилцоо өрнөдөг юм байна. (Hat die Veranstaltung doch schon mal etwas gebracht, denn durch die habe ich meine viele unsichere Stellen gesichert, unklare Sachen geklärt, und viel gelernt! Es hat mich besonders sehr gefreut die andere netten Leute kennengelernt zu haben! Ich fand sowas Veranstaltung für die lernbegierige Personen viel besser als die große Konferenzen oder Messen.)
Энэ удаад Герман, Швецарь, Недерланд улсуудаас гишүүд ирсэн байлаа. Энэхүү уулзалт нь ерөнхийдөө чанарын шалгалтад чиглэсэн байлаа. (нэрнээсээ тодорхой байх) SUN корпорацаас Опенофис / Старофис програмын менежер (Joost), шалгагч (tester Helge) зэрэг хүмүүс ирсэн байлаа.
Миний хувьд монгол Опенофис төслийнхөө талаар, одоо байгаа төлөвийг танилцууллаа. Монгол бичгийг оруулсан хэсэг хүмүүсийн сонирхлыг нилээд татав. Харин миний сонирхлыг хамгийн их татсан зүйл бол Helge-ийн Автомат шалгалтын систем байлаа. Одоо бид монгол Опенофисоо гаргахаас өмнө ядаж автоматаар бүрэн шалгаад гаргах боломжтой боллоо. Үнэндээ том хэмжээний програмд яаж шалгалт хийх, чанарыг сайжруулах, алдаа яаж засах, ямар ямар асуудлууд гарч ирж байгааг нүдээрээ үзлээ.
Харамсалтай нь хагас сайны өглөө яарч байгаад зургийн аппаратаа мартчихсан байлаа. Гэхдээ нэг андын авсан зургуудаас ганц хоёрыг нь тавьчихъя. Danke Florian, für die Lieferung der Bilder.

Семинарийн өрөөнд.

Өдрийн унд. Мах шарж идэцгээв.

За тэгээд яаж хөгжүүлэх орчинг бүрдүүлэх, хэрхэн шалгах, ямар үед хэнд хандах гээд мэдсэн бүхэнээ бичвэл асар урт бичлэг болох байх. Ер нь энэ уулзалтаас харж байхад бидэнд харилцан холбоо асар дутагдаж байгаагийн дээр хойч үеээ маш муу бэлтгэж байна уу даа гэсэн бодол төрөв. Эцэст нь энэхүү уулзалтад оролцсон ялангуяа зохион байгуулсан бүх андуудад талархал илэрхийлье.
Zum Schluss bedanke ich mich herzlich bei Jacqueline, André, Joost, Florian, Helge, Cor, Stefan… usw. bei allen Teilnehmern allerding besonders bei den Veranstaltern für die tolle Arbeit!