Badral's personal blog
Интернет миний ертөнцийг хардаг цонх …

December, 2010Archive for

Cheers!

Monday, December 20th, 2010

Сүүлийн үед Монгол нэвтрүүлэг, кино зэргийг үзэж байхад арай дэндүү модон орчуулгууд элбэгшиж байгаа нь манай мэргэжлийнхнээр бол монголчуудын тархийг сайн вирустүүлж байна гэсэн үг. Жишээ нь: бүх хүний өдөр тутамд хэрэглэдэг дээрх гарчигт өгсөн англи үгийн орчуулга. Энийг уншаад таны толгойд шууд “төлөө” гэсэн үг орж ирж байвал тархиа вирустжээ гэж ойлгож болно. Нэгэн хэсэг орост сурч төгссөн хэдэн нөхөд энэ вирусийг тараасан юм болов уу даа. Миний орос хэл 0 ч ЗДОРОВЬЕ гэсэн үгийг л орчуултал нэг их урт мөртлөө уламжлал ёсоор бас хэрэглэгдэж байгаагүй модон хэллэг гарчихаад байхаар нь богиносгосон санаа нь юм болов уу даа гэж таамаглав.
Зүй нь бид “тогтооё” (буяныг тогтооё, за за эсвэл уусан архиа тогтоогоод тасраад уначихгүй бас дорхноо эрүүл болчихгүй нэг манарсан гоё үедээ байх, эсвэл агсрахгүй сайхан байя гэж ойлгосон ч бас болно :d ), “болгооё” гээд ганц үгээр хэлчихдэг хэвшмэл үгстэй л санагдах юм. Монгол хэлний мэргэжилтэнүүд бол бүр ч олон гоё гоё үг хэлэх л байлгүй дээ.
Энэ сэтгүүлчид, кино орчуулагчид тэр муухай чихэнд наалдахгүй, чимэггүй сонсогдох “төлөө” гэсэн үгийнхээ оронд ядаж “тогтооё” гээд хэрэглэчихэж болдоггүй л юм байх даа. Арай утга учиртай, чихэнд зөв сонсогдоно доо.

Job vacancies at Bolorsoft

Tuesday, December 7th, 2010

Сайхан өвөлжиж байна уу.
Улаанбаатар хотод төвтэй Болорсофт компанид эдгээр ажлын байрууд байна шүү. Сонирхож байгаа залуус холбоо бариарай. Энэхүү компанийн үүсгэн байгуулагч нь би өөрөө бөгөөд одоо зөвлөх болон, програм хангамжийн архитектурчаар нь ажиллаж байна. Энэхүү компани нь хэдийгээр 2008 онд сууриа тавьсан ч өнөөг хүртэл ганц хоёр вэб хийх болон http://www.bolor-toli.com вэбийг хөгжүүлж ажиллуулж байгаагаас хэтэрсэнгүй. Миний хувьд зав завдал тааруу, германд ажиллаж явсаар өнөөг хүрчээ. Ирэх оноос эхлэн харин энэхүү компанидаа илүү анхаарал хандуулан ажиллахаар төлөвлөж, freelancer буюу чөлөөт ажилтан боллоо. Одоо би энд цагт баригдаж суухгүй.
Компанийн ойрын зорилго монголын байгууллагуудын мэдээллийн технологийн хэлтэсийг орлож, ажлуудыг нь ацаглан хийж өгөх. Ирээдүйн зорилго европ руу оффшоор хийх.
Эхний ээлжинд цомхон бөгөөд мэргэжлийн өндөр чадвартай, эмх цэгцтэй, илэн далангүй, эвсэг баг бүрдүүлэхийг зорьж байна.
Бид эхний ээлжинд вэб програмчлал, цахим хэл шинжлэлийн (computational linguistic) програмчлалыг тууштай барьж ажиллана. Компани одоогоор МТ паркт (IT park) байрлаж байна.