Badral's personal blog
Интернет миний ертөнцийг хардаг цонх …

Archive for the ‘Aspell’ Category

Монгол хэлний дүрэм шалгагчийн шинэ хувилбарыг гаргалаа

Tuesday, July 29th, 2008

Дөнгөж сая аспеллд зориулсан монгол хэлний дүрмийн шалгалтын програмыг бичиж дуусгав. Энэхүү хувилбарт нөхцөл дагаварын хүснэгтийн хамгийн энгийн хэлбэрийг гаргасан ба цаг хугацаа, зав зайны боломжоос шалтгаалан цааш сайжруулан явъя хэмээн саналаа. Сүүлийн 14 хоногт ажлын зав зайгаар хийж байгаад өчигдөр өнөөдөр 2 улайран ажил дээрээ хийн сууж байж дуусгав.
Аспелл нь линүкс/юникс өгөгдмөл дүрмийн алдаа шалгагч бөгөөд бараг бүх програмд хэрэглэгдэнэ. Үүнээс гадна Опенофис, мозила, түндэрбөрд зэрэг програмуудад хэрэглэгддэг Hunspell-д зориулсан толийг яг одоо хийж эхлээд байна. Анхны монгол Опенофист хамтатган оруулна гэж амласандаа хүрэх гэсээр санасандаа хүрсэнээр хийж чадаагүй ч суурийг тавилаа. Цаашид сайжруулаад төгөлдөржүүлээд явж болох байх.
Татаж авах хаяг: http://www.openmn.org/index.php?nav=4&pageId=6&op=get_file&item=1
Энэхүү хувилбарыг тэсэн ядан хүлээж байсан хүмүүс шалгаад алдаа мадаг байвал илрүүлж, илгээж хамтран ажиллана гэдэгт итгэж байна.
За цаашдын ажилдаа оръё. Өнөө маргаашдаа багтаан энэ программаа опенофистойгоо холбон хөрвүүлэх ажлаа дуусгана.

Монгол хэлний дүрмийн алдаа шалгагчийн тухайд

Wednesday, April 9th, 2008

За ойрд монгол хэлний дүрмийн алдаа шалгагч дээрээ сууж үнэхээр амжсангүй. Гэхдээ яаж нөхцөл дагаварын хүснэгт үүсгэн холбох тухай толгойдоо хадаастай бодсоор л яваа. Хэд хоногийн өмнө хамгийн богино буюу 2 үсэгтэй үгээ түүж аваад 3 үсэгтэй үгс дотор байгаа эсэхийг шалгаад байвал үлдсэн хэсгийг таслаж аваад хадгалана. Дараа нь 3 ба 4 урттай үгс дээр шалгана. Ингэхэд 1 урттай х, ж гэх мэт дагаварууд салаад ороод ирж байгаа юм. (1 урттай нөхцөлийн хувьд энэ 2 шалгалт хангалттай) Харин 2 урттай нөхцөлийн хувьд (жишээлбэл аа, ээ гэх мэт) 2 ба 4, 3 ба 5, 4 ба 6 гэсэн урттай бүх үгэнд шүүлт хийхэд хангалттай үр дүн өгөх болно. Ингээд монгол хэлний нөхцөлийн урт 16 -с хэтрэхгүй гэж үзээд нөхцөл байх магадлалтай бүх залгаварыг дээрх маягаар ялгаад авч болж байгаа юм. Ингээд туршиж үзэхэд монгол хэлэнд маань лав 1000 -с илүү дагавар (зарим нь нийлмэл жишээлбэл “ынхантайгаа”) байгаа нь харагдаж байлаа. Гэтэл бүх язгуур үгсээ энэ маягаар ялгаад авчих гэж үзээд дийлэхгүй болох нь тодорхой болов. Гаргаад ирвэл энэ уг нь тэр table lookup аргатай нь төстэй эд болох байсныг сүүлд олж мэдэв. За богиноос нь урт руу нь хөөе гэсэн өөрийн хар арга амжилтанд хүрсэнгүй ээ. Ингээд шинжлэх ухааны судлагдсан арга ашиглахаар шийдэв. Хамгийн сонирхол татсан арга бол Successor Variety байлаа. Гэтэл өчигдөр шөнө шал өөр юм хийгээд (Болор АУС дээрээ) сууж байтал гэнэт нөхцөл дагаварын хүснэгт болон түүнд тохирох сангаа үүсгэх маш гоё арга санаанд ороод ирлээ. Өмнө түүсэн байгаа 1000 гариу дагавараа ашиглан статистик аргыг Портерын аргатай хослуулан хэрэглэх!
Ганц хоёр өндөр приориеттэй даалгаваруудаа хийчихээд энэ аргынхаа алгоритмыг болон програмыг бичиж үзнээ.

Mongolian Aspell dictionary – Current status

Monday, November 5th, 2007

Хагас бүтэн сайнаар Болор АУС-ээ сайжруулах завсараар Аспеллийнхээ монгол толийг засаж өнжив. Аспелл дээр хамтран ажиллах санал тавин, хамтран зүтгэж байгаа анд Доржготовын Батмөнхөд талархал илэрхийлье. Цаашид хоёулаа хамтран монголын хамгийн сайн үг үсгийн алдаа шалгагчийг гаргана гэдэгт итгэлтэй байна. Мөн хянан засварласан 8000 гаруй мэргэжлийн үгээр нэмэрлэсэн, хийж буй ажлуудыг маань чин сэтгэлээрээ дэмжиж явдаг Ганболд ахад талархъя. Мөн анх аспеллийн монгол толийг хийх санал тавьсан аспеллийг зохиогч Кевин Аткинсон болон яаж эхлэхээ сайн мэдэхгүй зогсож байхад чиглүүлж өгсөн, зарим үед сайхан санаа гаргаж өгдөг Кэвин Сканнелл нарт гүн талархал илэрхийлэх нь зүйтэй байх.
Одоогоор дагаварын хүснэгт холбогдоогүй байгаа ба холбох гээд үгийн сангаас түүгээд авчихсан байгаа болохоор түүн дээр алдаа зааж байгаа байх. Ингээд бас л олигтойхон шиг юм гаргачих гээд шууд олон нийтэд цацаж арай амжаагүй байгаа хувилбарыг суулган нэг жишээ PHP дээр бичээд TinyMCE ашиглан http://www.mngl.net/aspell тавилаа. Туршиж үзээд санал бодлуудаа сэтгэгдлээр оруулбал баяртай хүлээн авах болно.

Үг зүй – Жинхэнэ нэрийн дагаваруудын хүснэгт

Thursday, June 7th, 2007

Монгол хэл маань бидний сурч байсан үеэс хойш их өөрчилөгджээ. Гэхдээ энд зөвхөн үг зүйг (Morphology) авч үзье!
Хамгийн том өөрчилөлт нь 7 тийн ялгал маань 8 болж чиглүүлэхийн тийн ялгал нэмэгдсэн юм байна. Энэ тухай англи хэл дээрх wikipedia дээрээс олж мэдэв.
Тэгэхээр чиглүүлэхийн тийн ялгал гэхээрээ луу лүү, руу рүү болж таарах нь. Тэгвэл эдгээр нь бидний үед үргэлж үндсэн үгийнхээ араас тусдаа ордог байсан. Одоо харин залгагдаж ордог болсон юм болов уу? Энэ талаар мэдээлэл олж чадсангүй. Та бүхэн юу гэж бодож байна?
Хэл шинжлэлийн доктор Саруул-эрдэнэ андаас үг зүйн талаар имэйлээр лавлахад монгол үгсийн аймаг одоогоор 8 гэж тооцдог гэв. Үүнд
1. Жинхэнэ нэр; нар, сар, ном, дэвтэр
2. Үйл үг; явах, ирэх, суух
3. Тэмдэг нэр; шар ногоон, том, жижиг
4. Тооны нэр; арав, хорь, нэгдүгээр
5. Төлөөний үг; чи, би, ингэх, тэгэх, энэ тэр
6. Орон цагын нэр; дээр доор, урьд өмнө
7. Холбох үгс; ба, бөгөөд, буюу
8. Чимэх үгс; даа, шуу, л, ч, сан гэх мэт.
болно гээд үүнээс жинхэнэ нэр, үйл уг 2 маш олон нөхцөл авахыг дурдав. Жинхэнэ нэр гэхэд тоо, тийн ялгал, хамаатуулах нөхцөл авдаг. Үйл үг эхлээд хэв, дараа нь байдал, тэгээд 4 юмны нэгийг авна. Тэр 4 нь захирах хүсэх, цаг заах, тодотгон холбох, нөхцөлдүүлэн холбох.
Эдгээр нь их олон тул бүгдийг бичих нь хүнд байгааг дурьдав.
Харин олзуухууштай сайхан зүйл нь аль нөхцөл алиний араас орох хатуу тогтсон дэс дараа байртай байдаг юм байна. Ямар ч гэсэн үгийн сангаа дээрх 8 бүлгийн дагуу хуваан ангилах нь зүйтэй юм байна.
Ганболд ахын сэтгэгдэлд бичсэн зүйлийг харгалзан интернэтээс олдсон зарим баримт дээр тулгуурлан өөрийн гаргасан зөвхөн ЖИНХЭНЭ НЭРИЙН дагаваруудын (affix) хүснэгтээ жагсааж танилцуулъя. Яараад нилээн бага хугацаанд хийсэн тул мартаж санасан, орхисон эсвэл буруу зүйл олон байгаа. Тиймээс тэдгээрийг нөхөж сэтгэгдэлд оруулж болгооно уу. Нөхцөл гэсэн багана холбох нөхцөлүүдийг заана. Хоосон – шууд залгах, [] дотор байвал язгуур үгийн төгсгөлүүд жишээ нь [а] байвал а-р төгссөн үг [^а] а-с бусдаар төгссөн үг н[] байвал нөхцөлөөр н жийрэглэнэ, []н байвал нөхцөлөөр н гээгдэх гэсэн утгуудыг илэрхийлнэ.

Жинхэнэ нэр
Дагавар Нөхцөл Жишээ болон тайлбар
аа талх-талхаа, аав-ааваа
[а]а аяга-аягаа
г[а] Гажилт: харандаа – харандаагаа
ээ нэр-нэрээ, тэрэг-тэргээ
г[э] Гажилт: тэмээ – тэмээгээ
өө хөдөлмөр-хөдөлмөрөө
г[ө] Гажилт: хөрөө – хөрөөгөө
ууд сайд-сайдууд
н[ямар үед?] ном-номнууд
г[н] байшин-байшингууд
хэзээ гээгдэх юу байж болох уу?
үүд ээж-ээжүүд
[хэзээ гээгдэх?] цэрэг-цэргүүд
г[н] байшин-байшингууд
н[ямар үед?] тэрэг-тэрэгнүүд
чууд монгол-монголчууд
чүүд эр-эрчүүд
д мэргэн-мэргэд, дуучин-дуучид
[н]н мэргэн-мэргэд, дуучин-дуучид
о[д] од-одод, мод-модод
[д]й, өөр? нохой-ноход
и[ч], өөр? төлөөлөгч-төлөөлөгчид
с үг-үгс
ын Харъяалах Т.Я. эр үг аав-аавын
гээгдэх эгшиг? Харъяалах Т.Я. эр үг хавар-хаврын
ны [аоуяёюиы] Харъяалах Т.Я. эр үг хурга-хурганы
и[ь]ь Харъяалах Т.Я. эр үг хонь-хонины
д Өгөх орших Т.Я. эр үг аав-аавд
ан[гийгүүлэгч] Өгөх орших Т.Я. эр үг нар-наранд
он[гийгүүлэгч] Өгөх орших Т.Я. эр үг онгоц-онгоцонд
ин[ь] Өгөх орших Т.Я. эр үг морь-моринд
гээгдэх эгшиг? Өгөх орших Т.Я. эр үг юу байж болох вэ?
т [грсв] Өгөх орших Т.Я. эр үг адаг-адагт,асар-асарт
ыг Заах Т.Я. эр үг аав-аавыг
[ао]ао Заах Т.Я. эр үг арга-аргыг
гээгдэх эгшгийн дүрэм? Заах Т.Я. эр үг авдар-авдрыг
г [аоуяёюиын] Заах Т.Я. эр үг шороо-шороог, нохой-нохойг
аас Гарах Т.Я. эр үг аав-ааваас
н[аоуяёюиын][гийгүүлэгч] Гарах Т.Я. эр үг чарга-чарганаас
г[н] Гарах Т.Я. эр үг дуран-дурангаас
ин[ь] Гарах Т.Я. эр үг агь-агинаас
и[ь]ьа Гарах Т.Я. эр үг хань-ханиас
гээгдэх эгшиг? Гарах Т.Я. эр үг жишээ?
оос Гарах Т.Я. эр үг оргил-оргилоос
н[аоуяёюиын][гийгүүлэгч] Гарах Т.Я. эр үг овоо-овооноос
ин[ь] Гарах Т.Я. эр үг морь-мориноос
г[н] Гарах Т.Я. эр үг сонин-сонингоос
гээгдэх эгшиг? Гарах Т.Я. эр үг орон-орноос
аар Үйлдэх Т.Я. эр үг аав-ааваар
[ауяёюиын]а Үйлдэх Т.Я. эр үг чарга-чаргаар
г[урт эгшиг] Үйлдэх Т.Я. эр үг харандаа-харандаагаар
г[н] Үйлдэх Т.Я. эр үг дуран-дурангаар
и[ь]ьа Үйлдэх Т.Я. эр үг унь-униар
гээгдэх эгшиг? Үйлдэх Т.Я. эр үг савар-савраар
оор Үйлдэх Т.Я. эр үг онгоц-онгоцоор
[оуяёюиын]о Үйлдэх Т.Я. эр үг торго-торгоор
[урт эгшиг] Үйлдэх Т.Я. эр үг шороо-шороогоор
г[н] Үйлдэх Т.Я. эр үг сонин-сонингоор
и[ь]ьа Үйлдэх Т.Я. эр үг морь-мориор
гээгдэх эгшиг? Үйлдэх Т.Я. эр үг орон-орноор
тай Хамтрах Т.Я. эр үг аав-аавтай
той Хамтрах Т.Я. эр үг онгоц-онгоцтой
ийн Харъяалах Т.Я. эм үг ээж-ээжийн
[ь]ь Харъяалах Т.Я. эр язгуур үгэнд эм үгийн дагавар агь-агийн
гээгдэх эгшиг? Харъяалах Т.Я. эм үг цэрэг-цэргийн
ний Харъяалах Т.Я. эм үг чих-чихний
д и Өгөх орших Т.Я. эм үг ээж-ээжид
эн[гийгүүлэгч] Өгөх орших Т.Я. эм үг дэрс-дэрсэнд
өн[гийгүүлэгч] Өгөх орших Т.Я. эр үг төгрөг-төгрөгөнд
ин[гийгүүлэгч] Өгөх орших Т.Я. эр үг хөөргөгч-хөргөгчинд
гээгдэх эгшиг? Өгөх орших Т.Я. эм үг юу байж болох вэ?
т [грсв] Өгөх орших Т.Я. эм үг цэрэг-цэрэгт, дэлгүүр-дэлгүүрт,хэлтэс-хэлтэст,сэдэв-сэдэвт
ийг Заах Т.Я. эм үг ээж-ээжийг
[үэөеюий]үэө Заах Т.Я. эм үг хөрөнгө-хөрөнгийг
гээгдэх эгшгийн дүрэм? Заах Т.Я. эм үг цэрэг-цэргийг
г [үэөеюийн] Заах Т.Я. эм үг тэмээ-тэмээг, хөвөн-хөвөнг
ээс Гарах Т.Я. эм үг ээж-ээжээс
н[үэөеюийн][гийгүүлэгч] Гарах Т.Я. эм үг тэмээ-тэмээнээс
гээгдэх эгшиг? Гарах Т.Я. эм үг цэрэг-цэргээс
г[н] Гарах Т.Я. эм үг тэн-тэнгээс
өөс Гарах Т.Я. эм үг төр-төрөөс
н[үэөеюийн][гийгүүлэгч] Гарах Т.Я. эм үг хөшөө-хөшөөнөөс
гээгдэх эгшиг? Гарах Т.Я. эм үг өндөг-өндөгнөөс
г[н] Гарах Т.Я. эм үг хөвөн-хөвөнгөөс
ээр Үйлдэх Т.Я. эм үг эмээл-эмээлээр
[үэөеюийн]э Үйлдэх Т.Я. эм үг эрдэнэ-эрдэнээр
[урт эгшиг] Үйлдэх Т.Я. эм үг хэрэгцээ-хэрэгцээгээр
гээгдэх эгшиг? Үйлдэх Т.Я. эм үг цэрэг-цэргээр
г[н] Үйлдэх Т.Я. эм үг цэн-цэнгээр
өөр Үйлдэх Т.Я. эм үг цөл-цөлөөр
[үэөеюийн]ө Үйлдэх Т.Я. эм үг өнгө-өнгөөр
[урт эгшиг] Үйлдэх Т.Я. эм үг хөрөө-хөрөөгөөр
гээгдэх эгшиг? Үйлдэх Т.Я. эм үг өрөм-өрмөөр
г[н] Үйлдэх Т.Я. эм үг хөвөн-хөвөнгөөр
тэй Хамтрах Т.Я. эм үг ээж-ээжтэй, хөрөнгө-хөрөнгөтэй

Үг зүйн талаар

Monday, June 4th, 2007

Арван хэдэн жилийн өмнө үзсэн болоод тэрүү монгол хэлнийхээ үг зүйн дүрмийг сайн санадаггүй ээ. Үг зүйн шинжилгээ хийх үед дараах хүндрэлүүд гарав. Сэтгэгдэлд та бүхэн зааварчилгаа үлдээнэ үү.
Үйл үгийн төрлөө 4 үндсэн бүлгээр авлаа.
№1 Нэр үг
№2 Үйл үг
№3 Тэмдэг нэр
№4 Үйлт нэр
Өөр бүлэг байх боломжтой юу? Байвал ямар шинж чанартай байх вэ? Монгол хэлний үг зүйн талаар материал байвал скандаад өгөх буянтай хүн байна уу?
Үгийн төрлийг автоматаар таних функц бичихэд, дээрх бүлгүүдийн шинж чанарын ялгаа чухал хэрэгтэй болоод байгаа юм.

Хоёрдугаарт угтвар, дагаварын дүрэмийг эмхэтгэх гэж үзэв.
Долоон тийн ялгалын 14 – ын^2, д/т, ыг^2, аар^4, аас^4, тай^2
Олон тооны 8 – ууд^2, нууд^4 с, чид
Үгүйсгэгч 4 – гүй^4,
Өнгөрсөнг илтгэгч 14 – сан^4, чихсан^4, лаа^2 жаа^4
Давталт илтгэгч 5 – даг^4, чихдэг
Эелдэг хэлбэр 2 – хсан^2
Дуудах 4 – aa^4
Үйлээс нэр үүсгэгч 4 – ч, чин, гч, лт
Үйлээс тэмдэг нэр үүсгэгч 4 – ан^4
Орон зай эсвэл хэмжээний 1 – х
Нөхцөлт 8 – уут^2, нгуут^2, вал^4
Хамаатуулагч – 4 хаа^4

Эдгээр нь бүх дагаварыг хамарч чадаж уу? Угтвар харин монгол үг зүйд байхгүй билүү санадаггүй ээ.

Үг үсгийн алдаатай тэмцэе

Sunday, June 3rd, 2007

Энэ хагас бүтэн сайнд aspell хэмээх үг үсгийн алдаа шалгагч програмд оруулсан монгол хэлнийхээ дэмжилтийг сайжруулж өнжив. Энэ удаад зөвхөн үгийн санг сайжруулж, нэмэхээс гадна монгол хэлний угтвар, дагаварын дүрмийг оруулах нь гол зорилго байгаа билээ.
Тиймээс монгол хэлнийхээ (ядаж) энгийн дүрмүүдийг хамарсан загварыг гаргах шаардлагатай юм. Түүнийг гаргачих санаатай аль эртнээс бодож явсан боловч 3 сарын өмнө монгол хэлний үгийн сан үүсгэх зорилготой вэбээр үг түүгч програм бичих үедээ үг шалгахдаа нэгмөсөн оруулчих гээд нилээн барьж авч оролдов. Эхнээс нь ганц нэг дүрэмийн загвар гаргаж байтал хэтэрхий их онцгой тохиолдол, гажилтууд гарч ирээд байхаар нь дургүй хүрээд бүтэхгүй нь гээд хаячихсан байснаа өнөөдөр нэг гоё санаа орж ирээд жаал нухав. Энэ санаа бол ерөнхий дүрэмд захирагдах универсал загвар гаргах нь бараг бүтэшгүй эд юм гэж үзээд дүрмүүдээ гажилтууд тооцохгүй загварчилаад түүсэн үгийн баазтайгаа үгээ ангилан холбох эсвэл бүр үг тус бүрээр нь флаг тодорхойлон (myspell, ispell шиг) холбох нь монгол хэлний дүрмийн асуудлыг ямар ч гэсэн бүрэн шийдэх боломжтой гэдгийг олж харсан явдал юм. Тун энгийн боловч гоё санаа. Формал тодорхойлолт ашиглаад батлаж болох байх. Хэн нэг нь хийвэл их баярлана. 😉 Харин үгийн баазаа маш сайн чанартай бүрдүүлэх хэрэг гарч байгаа юм. ОпенМН-ы шинэ вэбийг дуусах үед би үг түүгчээ холбосон байх ба хүн бүр ороод үг шалгахад оролцох боломжтой болохоор ямар ч гэсэн энэ ажил амжилттай болох байх гэж найдаж байна. Ингээд дүрмүүдээ гажилт тооцохгүй загварчилж сууна.
Үг түүгч болон онлайн орчуулгын програмаа Perl болон PHP хэл ашиглан хийж байгаа тул эдгээр хэлний форматад тохируулан энгийн илэрхийлэлүүдээ (regular expression) бичиж байна. Зарим энгийн илэрхийлэлүүдийг бичихэд нилээн хүндрэл гарч цаг нилээн алдаж сууна.
Ер нь үг үсэг, тэмдэгт мөртэй ажиллахад хамгийн их хэрэг болдог одоогоор хамгийн хүчирхэг хэрэгсэл бол энгийн илэрхийлэл “regular expression” юм. Хэрэв өөр хэрэгсэл байдаг бол сэтгэгдэлд үдээнэ үү. 😉
Ингээд энгийн илэрхийлэлийн хэдэн мета тэмдэгтийг тайлбарлавал хэрэг болох байх гэж бодоод жагсаая. Эдгээр нь Posix стандартыг барьсан болно.

. – Цэг. Цэг нь ямар нэг дан тэмдэгтүүд орлоно. Харин дөрвөлжин хаалт [ ] дотор бол энгийн цэг гэсэн утгаараа үлдэнэ. Жишээлбэл: “a.cd” нь “abcd” илэрхийлэх бол [a.cd] нь “a” эсвэл “.” эсвэл “c” эсвэл “d” байж болно.
[ ] – Дөрвөлжин хаалт нь хаалт доторх тэмдэгтүүдээс нэг дан тэмдэгтийг илэрхийлнэ.
Жишээлбэл [abc] нь “a”, “b”, эсвэл “c”. байна. [a-z] нь ямар нэг жижиг латин үсгийг илэрхийлнэ. Харин монгол үсэг тэмдэглэх бол кодоор нь бичих хэрэгтэй болно. Жишээлбэл “\xd0\xb0” нь жижиг юникод кирил а -г илэрхийлнэ.
[^ ] – Хаалттай малгай нь хаалтан дотор байхгүй нэг дан тэмдэгтийг илэрхийлнэ. Жишээлбэл: [^abc] нь “a”, “b”, эсвэл “c” -с бусад тэмдэгтийг илэрхийлнэ.
^ – Малгай нь мөрын эхлэлийг илэрхийлнэ. Олон мөртэй бол ямар нэг мөрийн эхлэл.
$ – Доллар нь мөрын төгсгөлийг заана.
( ) – Хаалт нь дэд илэхийлэл буюу тухайн энгийн илэрхийлэл доторх блокыг илэрхийлдэг.
\n – Латин н нь 1-9 цифр байвал n дүгээр дэд илэрхийлэл буюу блокыг илэрхийлнэ. Энэ бүтэц нь үнэндээ онолын хувьд энгийн бус илэрхийлэл тул өргөтгөсөн энгийн илэрхийлэлд хэрэглэгдэхгүй санахад илүүдэхгүй.
* – Ямар нэг тэмдэгтийн ардаас Од орвол тухайн тэмдэгтийн тэг болон олон хуулбарыг илэрхийлдэг. Жишээлбэл “ab*c” нь “ac”, “abc”, “abbbc” гэх мэтээр цааш заах ба “[abc]*” matches “”, “a”, “b”, “ca”, “cba” гэх мэтээр заана. Дээр дурдсан мета тэмдэгтүүдтэй хоршин хэрэглэгдэнэ.
За цааш нь Гүүглээс дэлгэрүүлэн харж олж үзэж болно.

Үг үсгийн дүрэм шалгах загвараа http://www.shuleg.org дээр тавигдсан хэлний материалыг ашиглан гаргаж байгаа тул үүнийг оруулсан хүмүүст талархал илэрхийлье. Жигтэйхэн их алдаатай бичдэг нөхөр болхоороо би энэ тал дээр их анхаарал хандуулж байгаа юм болов уу.